పశ్చిమగోదావరి జిల్లాలో నామినేషన్ల పర్వం

పశ్చిమగోదావరి జిల్లాలో ప్రధాన పార్టీల అభ్యర్థులు నామినేషన్లు వేశారు. ఉండి శాసనసభ నియోజవర్గంలో నామినేషన్ కేంద్రానికి తెదేపా, వైకాపా అభ్యర్థులిద్దరూ ఒకేసారి చేరుకోవడంతో ఉద్రిక్తత చోటు చేసుకుంది. ఈ గందరగోళంలోనే ఇరువురు నామినేషన్లు దాఖలు చేశారు.

పశ్చిమగోదావరి జిల్లాలో ప్రధాన పార్టీల అభ్యర్థులు నామినేషన్లు వేశారు. నరసాపురం తెదేపా లోక్​సభ అభ్యర్థి వేటుకూరి శివరామరాజు నామినేషన్ దాఖలు చేశారు. ఏలూరు తెదేపా లోక్​సభ నియోజకవర్గ అభ్యర్థిగా మాగంటి బాబు.. జిల్లా కలెక్టర్ ప్రవీణ్ కుమార్​కు నామినేషన్ పత్రాలు అందజేశారు.నరసాపురం తెదేపా అసెంబ్లీ అభ్యర్థిగా బండారు మాధవ నాయుడు.... 15 వేల మంది కార్యకర్తలతో కలిసి మొగల్తూరు రోడ్డు మీదుగా సబ్ కలెక్టర్ కార్యాలయానికి చేరుకుని నామినేషన్ వేశారు. ఈ మేరకు నరసాపురంలో రెండు కిలోమీటర్ల వరకు ట్రాఫిక్ స్తంభించింది.

ఉంగుటూరు నియోజకవర్గ తెదేపా అసెంబ్లీ అభ్యర్థిగా గన్ని వీరాంజనేయులు వేలాది కార్యకర్తలతో అట్టహసంగా నామినేషన్ వేశారు. దెందులూరు నియోజకవర్గ వైకాపా అభ్యర్థిగా కోటార్ అబ్బయ్య నామినేషన్ పత్రాలు ఆర్ అంబేద్కర్​ అందజేశారు. అదే నియోజకవర్గానికి.... భాజపా అసెంబ్లీ అభ్యర్థిగా యలమర్తి బాలకృష్ణ నామినేషన్ పత్రాలను దాఖలు చేయగా, జనసేన అభ్యర్థిగా ఘంటసాల వెంకటలక్ష్మి నామినేషన్ దాఖలు చేశారు. గతంలో ఎన్నడూ లేనివిధంగా ఈ నియోజకవర్గ టిక్కెట్​ని మహిళలకు కేటాయించిన పవన్ కల్యాణ్​కు ఆమె కృతజ్ఞతలు తెలిపారు.

పశ్చిమ గోదావరి జిల్లా ఉండి శాసనసభ నియోజవర్గంలో నామినేషన్ కేంద్రం సమీపంలో ఉద్రిక్తత చోటు చేసుకుంది. తెదేపా, వైకాపా అభ్యర్థులు ఇద్దరు ఒకేసారి నామినేషన్ కార్యాలయానికి చేరుకోవడంతో కార్యకర్తల మధ్య తోపులాట జరిగింది. ఈ గందరగోళంలోనే తెదేపా అభ్యర్థి రామరాజు, వైకాపా అభ్యర్థి పీవీ నరసింహరాజు నామినేషన్లు దాఖలు చేశారు.

ఇవి కూడా చదవండి:వేలాది అభిమానుల తోడుగా జనసేనాని నామినేషన్