ముగిసిన సాఫ్ట్​బాల్ పోటీలు... విజేతలకు ట్రోఫీ ప్రదానం

క్రీడల్లో రాణించి దేశానికి అంతర్జాతీయ స్థాయిలో గుర్తింపు తీసుకురావాలని మంత్రి ధర్మాన కృష్ణదాస్ అన్నారు. పశ్చిమ గోదావరి జిల్లా జంగారెడ్డిగూడెంలో జరుగుతున్న జాతీయ సాఫ్ట్​బాల్ పోటీల ముగింపు కార్యక్రమానికి మంత్రి హాజరయ్యారు. పోటీల్లో గెలుపొందిన విజేతలకు బహుమతులు అందించారు.

క్రీడల్లో రాణించి దేశానికి అంతర్జాతీయస్థాయిలో మంచి పేరు తీసుకురావాలని రోడ్లు, భవనాల శాఖ మంత్రి ధర్మాన కృష్ణదాస్ అన్నారు. పశ్చిమ గోదావరి జిల్లా జంగారెడ్డిగూడెంలో జరుగుతున్న జాతీయ సాఫ్ట్​బాల్ పోటీల ముగింపు వేడుకకు మంత్రి హాజరయ్యారు. పురుషుల విభాగంలో విజేతగా నిలిచిన ఛత్తీస్​గఢ్​ జట్టుకు మంత్రి ట్రోఫీ అందజేశారు. మహిళల విభాగంలో మహారాష్ట్ర జట్టు విజేతగా నిలిచింది. పోటీల్లో పాల్గొన్న క్రీడాకారులను మంత్రి అభినందించారు. ఈ కార్యక్రమం అనంతరం మాట్లాడిన ఆయన తల్లాడ-దేవరాపల్లి జాతీయ రహదారి నిర్మాణానికి రూ.100 కోట్లతో అంచనాలు పంపామన్నారు. ప్రస్తుతం ఈ రహదారి మరమ్మతులకు రూ.1.40 కోట్లు మంజూరు చేశామన్నారు.

ఇదీ చదవండి :

పేరిచర్లలో ఈపీఎఫ్​వోల సౌత్​జోన్​ ఫుట్​బాల్​ పోటీలు