Alla Nani Comments Natu Saara Deaths: పశ్చిమగోదావరి జిల్లా జంగారెడ్డిగూడెంలో నాటుసారా తాగి పలువురు మరణించిన ఘటనపై మంత్రి ఆళ్ల నాని చేసిన వ్యాఖ్యలు తీవ్ర విమర్శలకు దారి తీసింది. మృతి చెందిన వారు తాగుబోతులని నిందవేయడాన్ని మృతుల కుటుంబసభ్యులు ఖండించారు.
నాటుసారా మృతులపై మంత్రి ఆళ్ల నాని వ్యాఖ్యలు
ఆహారం, నీరు మానేసి మద్యం సేవించడం వల్లే మృతి చెందారని మంత్రి చెప్పిన మాటలు అబద్ధమని మృతుడు అనిల్‌కుమార్ సోదరి అన్నారు. తన తమ్ముడు చాలా ఆరోగ్యంగా ఉన్నాడని, కల్తీ సారా తాగటం వల్లే మరణించాడని ఆమె చెప్పారు.
జంగారెడ్డిగూడెంలో కల్తీ నాటుసారా వల్లే చాలా మంది చనిపోయారని ఆమె కన్నీటి పర్యంతం అయ్యారు. నాటుసారా తాగి చనిపోయిన కుటుంబాలకు ప్రభుత్వం న్యాయం చేయాలని ఆమె కోరారు.
ఇదీ చదవండి: రాష్ట్రాన్ని అవినీతిమయంగా మార్చేశారు: పట్టాభి
