తెలుగుబుక్ ఆఫ్ రికార్డులో ఆచంట గురుకుల పాఠశాల

పశ్చిమగోదావరి ఆచంట బాలయోగి ప్రభుత్వ గురుకుల పాఠశాల విద్యార్థులు తెలుగు బుక్ ఆఫ్ రికార్డులో పేరును సంపాదించుకున్నారు.

పశ్చిమగోదావరి ఆచంట బాలయోగి ప్రభుత్వ గురుకుల పాఠశాల, తెలుగు బుక్ ఆఫ్ రికార్డులో చోటు సంపాదించింది. విద్యార్ధుల్లో హిందీ భాషపై పట్టు పెంచేలా ఉపాధ్యాయులు చేపట్టిన.. ఒక నిమిషంలో హిందీలో పరిచయం, ఒక కవితను వర్ణించే కార్యక్రమాన్ని నిర్వహించారు. ఈ కార్యక్రమంలో 400 మంది గురుకుల విద్యార్దులు పాల్గొని, హిందీ భాషలో ప్రావీణ్యాన్ని చాటారు. గతంలో ఈ తరహా కార్యక్రమంలో 330 మంది ఒకే వేదికపై పాల్గొని రికార్డు నెలకొల్పారు. ఆచంట గురుకుల పాఠశాలలో ఒకేసారి 400 మంది విద్యార్దులు పాల్గొని సరికొత్త రికార్డు సృష్టించారని పాఠశాల ప్రిన్సిపల్ ఝాన్సీరాణి తెలిపారు. ఈ కార్యక్రమంలో తెలుగు బుక్ ఆఫ్ రికార్డ్ ప్రతినిధి హేమంత్ తదితరులు పాల్గొన్నారు.

ఇదీ చదవండి:60 మందిని మోసం చేసి 6 కోట్లు దోచారు