లిక్కర్ లో ఫంగస్... కంగుతిన్న మందు బాబు
పశ్చిమగోదావరి జిల్లా తణుకులో ఓ మద్యం బాబు కంగుతిన్నాడు. ఎంతో ప్రియంగా తాగుదామకుని తెచ్చుకున్న బ్రాందీ సీసాలో ఫంగస్ ఉండటంతో ఒక్కసారిగా బిత్తరపోయాడు. తోటి మందుబాబులకు చూపిస్తే... మనం తాగుతున్న మందే హానికరం... ఇక అందులో ఏముంటే మనకేంటి...! అని ఉచిత సలహా ఇచ్చారు. మందు తాగాలన్న ఆతృత... తాగిన తర్వాత మత్తులో ఏం తాగుతున్నామో తెలుసుకోలేని స్థితిలో బ్రాందీ బాబులున్నారంటే అతిశయోక్తి కాదేమో. ఈ విషయంపై ఈటీవీ భారత్... ఎక్సైజ్ అధికారులను ప్రశ్నించగా లిక్కర్ సీసాలో ఫంగస్ లు, బ్యాక్టీరియాల గురించి తమకెలాంటి ఫిర్యాదులు రాలేదని దాటవేయటం కొసమెరుపు. ఇప్పటికైనా మందు తాగే ముందు... అసలు సీసాలో ఏముందో చూసేందుకు కొంత సమయం కేటాయించండి అని సలహా ఇస్తున్నారు... మందుబాబుల విదేయులు...!
