'ఎన్నికలనూ పొరుగు రాష్ట్రానికి మార్చమంటారేమో!'

రాష్ట్ర పోలీసులపై, వ్యవస్థపై జగన్​ నమ్మకం లేదంటారు. పక్క రాష్ట్రంలో ఉండి రాజకీయం చేస్తున్నారు. ఇప్పుడు ఎన్నికలనైనా జరగనిస్తారా? లేదంటే పక్క రాష్ట్రానికి మార్చమని ఈసీకి ఫిర్యాదు చేస్తారా: వంగవీటి రాధా

పశ్చిమగోదావరి జిల్లా ప్రజలు తిరగబడితే ఎలా ఉంటుందో జగన్​కు చూపించాలని తెదేపా స్టార్ క్యాంపైనర్ వంగవీటి రాధాకృష్ణ అన్నారు.జిల్లాలోనిదేవరపల్లి, యాదవోలు, ఎర్నగూడెం ,త్యాజంపూడి గ్రామాల్లో గురువారం ఆయన ఎన్నికల ప్రచారం నిర్వహించారు. వచ్చే ఎన్నికల్లో ప్రతిపక్ష నేతకు తగిన బుద్ధి చెప్పాలని కోరారు. 'గోదావరి జిల్లాకు వచ్చి రిజర్వేషన్ల గురించి జగన్ మాట్లాడలేరు. పక్క రాష్ట్రంలో కూర్చుని రాజకీయం చేస్తూ... ఆంధ్రా పోలీసులు, వ్యవస్థ మీద నమ్మకం లేదంటారు. ఎన్నికలైనా ఇక్కడ జరగనిస్తారా.. పక్క రాష్ట్రానికి మార్చమని ఎన్నికల సంఘానికి ఫిర్యాదు చేస్తారా' అని ఎద్దేవా చేశారు. రాజమహేంద్రవరం పార్లమెంట్ ఎంపీ అభ్యర్థి మాగంటి రూప ,గోపాలపురం ఎమ్మెల్యే అభ్యర్థి ముప్పిడి వెంకటేశ్వరరావును అత్యధిక మెజారిటీతో గెలిపించాలని విజ్ఞప్తి చేశారు. ఈ కార్యక్రమానికి పార్టీ కార్యకర్తలు, అభిమానులు భారీ ఎత్తున హాజరయ్యారు.