ఇది విజయనగరం విజ్జీ క్రీడామైదానం.. కఠోర సాధన చేస్తున్న వీరంతా పేద విద్యార్థులు.. గ్రామీణ నేపథ్యం ఉన్న వారే. పల్లెల్లో ఆటలు ఆడేందుకు వసతుల్లేక ఇబ్బందులు పడేవారే. అయినప్పటికీ.. అథ్లెటిక్స్ బాట పట్టారు. వీరి ఆసక్తిని గమనించిన కృష్ణారెడ్డి.. పోలీసు ఉద్యోగాన్ని వదిలి వీరికి శిక్షణిచ్చేందుకు ముందడుగు వేశారు. ఇలా ఎంతో మంది క్రీడాకురులకు శిక్షణిస్తూ వారిని ఉన్నతులుగా తీర్చిదిద్దుతున్నారు.
విజ్జీ మైదానంలో ఎందరో ఔత్సాహికులు అథ్లెటిక్స్‌లో సాధన చేస్తున్నారు. జాతీయస్థాయి పోటీల్లో రాణిస్తున్న క్రీడాకారులకూ కోచ్ కృష్ణారెడ్డి ఉచితంగా తర్ఫీదు ఇస్తున్నారు. శిక్షణతోపాటు ఉచిత వసతి, భోజనం సౌకర్యం కల్పిస్తున్నారు. గ్రామీణ యువతలోని క్రీడా నైపుణ్యాలను మెరుగుపరిచి.. అంతర్జాతీయస్థాయి క్రీడాకారులుగా తీర్చిదిద్దడమే లక్ష్యమంటున్నారు.
కోచ్ కృష్ణారెడ్డి దగ్గర శిక్షణ పొందినవారు.. అకాడమీల్లో క్రీడాకారులకు ధీటుగా రాణిస్తూ ప్రతిభ చాటుతున్నారు. ఇప్పటికే రాష్ట్ర, జాతీయస్థాయిలో పతకాలు సాధించారు. వీరు మైదానంలోకి అడుగుపెడితే పతకాల పంట పండాల్సిందే . ఎన్ని అడ్డంకులు ఎదురొచ్చినా.. ఒలింపిక్స్ పోటీలో పతకాల సాధించడమే లక్ష్యంగా కఠోర సాధన చేస్తున్నట్లు క్రీడాకురులు చెబుతున్నారు. అంతర్జాతీయ పోటీల్లో సత్తా చాటేందుకు కఠోర సాధన చేస్తున్న క్రీడాకారులు.. వారి లక్ష్య సాధనకు తోడ్పాటు అందిస్తున్న కోచ్ కృష్ణారెడ్డిని పలువురు అభినందిస్తున్నారు.
ఇదీ చదవండి:
