ఇ- క్రాప్​ నమోదు మరింత వేగవంతం చేయాలి: కలెక్టర్​

ఇ- క్రాప్​ నమోదు విషయమై జిల్లా కలెక్టర్​ ఎం. హరిజవహర్​లాల్​ వ్యవసాయశాఖ జాయింట్​ డైరెక్టర్​తో సమీక్ష జరిపారు. ఇ- క్రాప్​ నమోదులో వెనుకబడి ఉండటం పట్ల ఆయన అసంతృప్తి వ్యక్తం చేశారు. ముఖ్యంగా ఉద్యాన‌శాఖ ప‌రంగా ఇ-క్రాప్ న‌మోదు మ‌రింత మెరుగుప‌డాల్సిన అవ‌స‌రం ఉంద‌న్నారు.

విజయనగరం జిల్లాలో ఇ- క్రాప్​ నమోదును వేగవంతం చేయాలని జిల్లా కలెక్టర్​ డాక్టర్​ ఎం. హరిజవహర్​లాల్​ వ్యవసాయాధికారులను ఆదేశించారు. ఈ విషయంపై వ్యవసాయ శాఖ జాయింట్​ డైరెక్టర్​తో ఆయన సమీక్ష జరిపారు. వ్యవసాయ పంటల సాగు విస్తీర్ణం ప్రస్తుతం 2.15 లక్షల ఎకరాలు ఉండగా... ఇప్పటివరకు 1.40 లక్షల ఎకరాలను ఇ- క్రాప్​లో నమోదు చేయడం జరిగిందని జాయింట్​ డైరెక్టర్​ ఎం. ఆశాదేవి వివరించారు. అలాగే ఉద్యాన పంటల విస్తీర్ణం 2.11 లక్షల హెక్టార్లుకు గానూ ఇప్పటివరకూ 63,154 ఎకరాలు నమోదు చేయడం జరిగిందని ఆమె తెలిపారు. అనంతరం డివిజనల్​ వ్యవసాయ అధికారులతో కలెక్టర్​ నేరుగా చరవాణిలో మాట్లాడారు. ఇ-క్రాప్ న‌మోదులో జిల్లా వెనుక‌బ‌డి ఉండ‌టం ప‌ట్ల ఆయన అసంతృప్తి వ్య‌క్తం చేశారు. వ్య‌వ‌సాయ‌, ఉద్యాన శాఖ‌లు క‌లిపి రోజుకు క‌నీసం 40 వేల ఎక‌రాల‌ను న‌మోదు చేయాల‌ని, దానికి అనుగుణంగా ప్ర‌ణాళిక‌లు రూపొందించాల‌ని సూచించారు.

ఇదీ చదవండి :