భోజనం నాసిరకంగా ఉందని... ఎస్టీ విద్యార్థుల నిరసన
విజయనగరం జిల్లా పార్వతీపురంలోని 'ఎస్టీ బాలుర కళాశాల వసతి గృహ' విద్యార్థులు భోజనం నాసిరకంగా ఉందంటూ ఆందోళన చేశారు. అన్నంలో పురుగులు ఉంటున్నాయని, సమయానికి భోజనాలు పెట్టడం లేదని ఆరోపించారు. అన్నం ముద్ద ముద్దగా ఉంటుందని వాపోయారు. పలుమార్లు అధికారులకు తెలియజేసినా పట్టించుకోలేదని ఆవేదన వ్యక్తం చేశారు. ఏటీడబ్ల్యూఓ కళాశాలకు వచ్చి విద్యార్థులతో మాట్లాడారు. రెండురోజుల్లో సమస్యను పరిష్కరిస్తామని హామీ ఇచ్చారు.
ఇదీ చదవండి: వట్టిపోతున్న ప్రాజెక్టులు.. ఆందోళనలో అన్నదాతలు
