Pushpa 2 Trailer Event : ఐకాన్ స్టార్ అల్లు అర్జున్ హీరోగా దర్శకుడు సుకుమార్‌ తెరకెక్కిస్తున్న యాక్షన్‌ థ్రిల్లర్‌ 'పుష్ప 2'. నేషనల్ క్రష్ రష్మిక హీరోయిన్గా నటిస్తోంది. ఇప్పటికే షూటింగ్ పూర్తి చేసుకున్న ఈ చిత్రం డిసెంబరు 5న పాన్‌ ఇండియా స్థాయిలో గ్రాండ్గా రిలీజ్ కానుంది. ఈ సినిమా ట్రైలర్ నవంబర్ 17న సాయంత్రం 6.03 గంటలకు విడుదల చేయనున్నట్లు ఇప్పటికే మేకర్స్ ప్రకటించారు. అయితే పుష్ప-2 గురించి మరో ఆసక్తికర వార్త సోషల్ మీడియాలో వైరల్ అవుతోంది. అదేంటంటే?
భారీ ఈవెంట్
పుష్ప 2 ట్రైలర్ను పట్నాలోని గంగా నది ఒడ్డున ఉన్న ఐకానిక్ గాంధీ మైదాన్‌లో విడుదల చేయనున్నారు. గ్రాండ్గా ట్రైలర్ రిలీజ్ ఈవెంట్ ప్లాన్ చేశారు. ఈ కార్యక్రమానికి భారీ సంఖ్యలో అభిమానులు కూడా హాజరవ్వనున్నారు. అయితే ట్రైలర్ రిలీజ్ ఈవెంట్లో ఐకానిక్ స్టార్ అల్లు అర్జున్ ఎంట్రీ అదిరిపోనున్నట్లు తెలుస్తోంది.
ఎంట్రీ కోసం స్పెషల్ వెహికల్!
వేదికపైకి అల్లు అర్జున్ గ్రాండ్గా ఎంట్రీ ఇవ్వనున్నట్లు సమాచారం. దీని కోసం ఇప్పటికే మేకర్స్ ప్రత్యేక ఏర్పాట్లు చేసినట్లు తెలుస్తోంది. బన్నీ ఎంట్రీ మాస్ లెవెల్లో ఉండేలా ఈవెంట్ నిర్వాహకులు సన్నాహాలు చేశారట. బన్నీ ఎంట్రీ కోసం ఓ ప్రత్యేక వాహనాన్ని ఏర్పాటు చేసినట్లు తెలుస్తోంది.
ఇదీ కథ
ఎర్రచందనం స్మగ్లింగ్‌ నేపథ్యంలో సాగే ఈ సినిమా మొదటి భాగం బాక్సాఫీస్ వద్ద సూపర్ సక్సెస్ సాధించింది. ఇప్పుడీ ఈ చిత్రానికి సీక్వెల్ గానే 'పుష్ప 2' రానుంది. ఓ సాధారణ కూలీగా తన ప్రయాణాన్ని మొదలుపెట్టిన పుష్పరాజ్‌, ఎర్రచందనం సిండికేట్‌ ను శాసించే స్థాయికి ఎలా వెళ్లాడనే ఆసక్తికర అంశాలతో తొలి పార్ట్ ఆకట్టుకోగా, ఆ తర్వాత అతడికి ఎదురైన ఇబ్బందుల గురించి అలాగే వాటిని అతడు ఎదుర్కొన్న తీరు గురించి ఈ 'పుష్ప ది రూల్‌' చూడొచ్చని మేకర్స్ గతంలో వెల్లడించారు.
ఇక ఈ చిత్రంలో అల్లు అర్జున్ తో పాటు రష్మిక మంధన్నా, ఫహాద్ ఫాజిల్, లాంటి స్టార్స్ కీలక పాత్రలు పోషిస్తున్నారు. స్టార్ మ్యూజిక్ డైరెక్టర్ దేవిశ్రీ ప్రసాద్‌ ఈ చిత్రానికి స్వరాలు అందిస్తున్నారు. మైత్రీ మూవీ మేకర్స్ పతాకంపై ఈ చిత్రం ప్రతిష్టాత్మకంగా నిర్మితమైంది. డిసెంబర్‌ 5న ఈ మూవీ ప్రపంచవ్యాప్తంగా రిలీజ్ కానుంది.
'పుష్ప' సెట్స్ నుంచి ఫొటో లీక్- ఇంటర్నెట్ను షేక్ చేస్తోందిగా!
