తహసీల్దార్‌ బోర్టు ఉన్నకారులో‌ నాటుసారా పట్టివేత

విజయనగరం జిల్లా కొమరాడ తహసీల్దార్‌ బోర్డు పెట్టుకున్న కారులో పోలీసులు నాటుసారాను గుర్తించారు. బొబ్బిలిలో వాహన తనిఖీలు చేస్తుండగా వీటిని గుర్తించారు. వాహన డ్రైవర్‌ దుర్గాప్రసాద్‌ను పోలీసులు అదుపులోకి తీసుకున్నారు.

విజయనగరం జిల్లాలో కొమరాడ తహసీల్దార్‌ బోర్డు పెట్టుకుని కారులో నాటు సారా తరలిస్తున్న వ్యక్తిని.. బలిజపేట మండలం పెదపెంకి వద్ద పోలీసులు పట్టుకున్నారు. 260 లీటర్ల నాటుసారాని స్వాధీనం చేసుకున్నారు. ఈ వ్యవహారంలో మిగతా వారి పాత్రపై విచారణ చేస్తున్నామని పోలీసులు తెలిపారు.

ఇదీ చదవండి: 40 రోజులు.. రూ.40 లక్షల అద్దె!