ఘనంగా జ్ఞాన సరస్వతి ఆలయ వార్షికోత్సవాలు

జ్ఞాన సరస్వతి ఆలయంలో వార్షికోత్సవ వేడుకలు ఘనంగా మొదలైయ్యాయి. ఐదు రోజుల పాటు ఈ వేడుకలను నిర్వహించనున్నారు. భక్తులు పెద్ద ఎత్తున పాల్గొని అమ్మవారిని దర్శించుకుంటున్నారు.

విజయనగరంలోని జ్ఞాన సరస్వతి ఆలయం వార్షికోత్సవాలు ఘనంగా ప్రారంభమయ్యాయి. ఇవాళ్టి నుంచి ఐదు రోజుల పాటు వేడుకలు జరగనున్నాయి. ధన్వంతరీ సహిత సప్త మేధాగణముల పూజతో ఉత్సవాలు ఆరంభించారు. ప్రత్యేక పూజలు జరిపారు. అధిక సంఖ్యలో తరలివచ్చిన భక్తులు...వారి పిల్లలకు అక్షరాభ్యాసం చేయించారు. ఆలయం నెలకొల్పి 14సంవత్సరాలు పూర్తయిన సందర్భంగా...వేడుకలు మరింత వైభవంగా జరుపుతామని ఆలయ అర్చకులు తెలిపారు. ఆఖరి రోజున చందనాభిషేకం నిర్వహిస్తామని చెప్పారు.