రెండు ఆటోలు ఢీ... 13 మందికి గాయాలు

విహారయాత్రకని సంతోషంగా బయలుదేరారు. పిల్లలు, పెద్దలు కేరింతలు కొడుతూ... ఆనందంగా ప్రయాణిస్తున్నారు. ఇంతలోనే అనుకోని ప్రమాదం జరిగింది. రెండు ఆటోలు ఢీకొన్నాయి. 13 మంది గాయపడ్డారు. ఈ ఘటన విజయనగరం జిల్లా భవానినగర్ వద్ద జరిగింది.

విజయనగరం జిల్లా శృంగవరపుకోట మండలం భవానినగర్ వద్ద రోడ్డు ప్రమాదం జరిగింది. విశాఖ కంచరపాలెం ప్రాంతానికి చెందిన కొంతమంది 2 ఆటోల్లో పిక్నిక్​కు బయలుదేరారు. అరకు రోడ్డు వద్దకు రాగానే... పక్కపక్కనే వెళ్తున్న రెండు ఆటోలు అదుపుతప్పి ఢీకొన్నాయి. ఈ ఘటనలో 13 మందికి గాయాలయ్యాయి. చికిత్స కోసం వారిని ఆసుపత్రికి తరలించారు. గాయపడినవారిలో నలుగురి పరిస్థితి విషమంగా ఉందని వైద్యులు తెలిపారు.

ఇవీ చదవండి..