విజయనగరం జిల్లా సాలూరు మండలం కరాశవలస గ్రామంలో ఉన్న కస్తూర్బా గాంధీ విద్యాలయం ముందు ఎస్ఎఫ్ఐ నాయకులు, విద్యార్థులు ధర్నా చేపట్టారు. ఇదే పాఠశాలలో పదోతరగతి చదువుతున్న గూల లక్ష్మి అనే బాలిక సోమవారం అనారోగ్యంతో కేజీహెచ్లో మృతి చెందింది. ఈ విషయమై విద్యార్థులతో మాట్లాడేందుకు విద్యార్థి సంఘాల నాయకులు అక్కడి చేరుకున్నారు. ఆహారం బాగోలేదని, మెనూ సక్రమంగా అమలు చేయడం లేదని వారు వాపోయారు.
సంఘాల నాయకులు... అక్కడి విద్యార్థులతో కలిసి నిరసన చేపట్టారు. ఉదయం 9 గంటల నుంచి రాత్రి వరకు ధర్నా చేశారు. ఎంఈవో నాగమల్లేశ్వరరావు విద్యాలయానికి చేరుకుని వారితో మాట్లాడారు. మెనూ సక్రమంగా అమలు చేయాలని... అలాగే చనిపోయిన బాలిక కుటుంబానికి పదిలక్షల రూపాయలు నష్టపరిహారం చెల్లించాలని విద్యార్థి సంఘాల నాయకులు డిమాండ్ చేశారు.
ఇదీ చదవండి:
