విజయనగరం జిల్లా సాలూరు మండలం తోనాం నుంచి దిగువ మెండింగి ,శిఖ పరువు , మావుడి, బూర్జి ,పగుల చేన్నారు, పట్టు చన్నారు గ్రామాలకు వెళ్లే మార్గంలో గోముఖి నదికి ఆనుకొని ఉన్న బ్రిడ్జి ఇటీవల గులాబ్ తుపాను దాటికి కొట్టుకుపోయింది. ఫలితంగా వాహనాల రాకపోకలు నిలిచిపోయాయి. ఈ క్రమంలో శనివారం నాడు సంత జరిగింది. ఎప్పటిలాగే పలు గ్రామాలకు చెందిన గిరిజనులు సంతకు వచ్చారు. రహదారి లేకపోవడంతో ఓ వెదురు కర్ర ఆసరాగా చేసుకొని దిగి సంతలోకి వెళ్లారు. వెళ్లేటప్పుడు కూడా ఆ వెదురు కర్రనే నిచ్చెనగా ఉపయోగించుకొని తమ స్వస్థలాలకు వెళ్లిపోయారు.
ఇదీ చదవండి: కాలనీ మొత్తం నీరే.. నాలుగు రోజులుగా ఇక్కట్లు..
