విజయనగరం కార్పొరేషన్ ఎన్నికల ప్రచారంలో తెదేపా పొలిట్ బ్యూరో సభ్యుడు అశోక్ గజపతిరాజు 30వ డివిజన్ తెదేపా కార్పొరేటర్ ఆదిబాబుకు మద్ధతుగా ప్రచారం చేపట్టారు. ధర్మపురి ఆంజనేయస్వామి ఆలయం నుంచి రామాలయం వీధివరకు ఇంటింటి ప్రచారంలో పాల్గొన్నారు. డివిజన్ కౌన్సిలర్ ఆదిబాబు, తెదేపా మేయర్ అభ్యర్ధి శమంతకమణిని గెలిపించాలని ఓటర్లను అభ్యర్థించారు.
రాజకీయ సన్యాసులు ప్రవేశించిన వ్యవస్థలన్నీ రాష్ట్రంలో నిర్వీర్యమయ్యాయని... ఇందుకు విజయనగరం సహకార బ్యాంకు, మాన్సాస్ ట్రస్టు నిదర్శనమన్నారు. రానున్న ఏప్రిల్ నుంచి పురపాలికల్లో ఆస్తిపన్ను పెంచబోతున్నారని.. ఇక పేదలు మరింత ఇబ్బందులు పడే పరిస్థితి ఎదుర్కోవాల్సి వస్తుందని వాపోయారు. భవిష్యత్ బాగుండాలంటే.. వాళ్లను ఇంటికి పంపించండని ఓటర్లకు పిలుపునిచ్చారు.
ఇదీ చూడండి:
