144 సెక్షన్ అమలులో ఉన్నా గ్రామ వాలంటీర్లు మాత్రం సామూహికంగా పార్టీ చేసుకొని డ్యాన్సులు వేశారు. విశాఖ జిల్లా ఎలమంచిలి మండలం ఏటికొప్పాక గ్రామంలో చోటు చేసుకున్న ఈ సంఘటన సంచలనం కలిగించింది. పుట్టినరోజు పార్టీ చేసుకున్న 11 మంది గ్రామ వాలంటీర్లపై ఎలమంచిలి గ్రామీణ పోలీసులు కేసు నమోదు చేశారు. విశాఖ జిల్లా ఎలమంచిలి మండలం ఏటికొప్పాక గ్రామంలో 11 మంది గ్రామ వాలంటీర్లు పనిచేస్తున్నారు. వీరంతా.. ఓ వార్డు వాలంటీరు పుట్టినరోజు పురస్కరించుకొని గ్రామంలోని ఒక తోటలో పార్టీ చేసుకున్నారు. మందు, బిర్యానీతో హల్ చల్ చేశారు. మైక్సెట్ పెట్టుకొని పాటలతో డాన్స్లు చేశారు. వీళ్లే ఈ తతంగాన్ని అంతా వీడియో తీయించుని సామాజిక మాధ్యమాల్లో పెట్టడంతో ఈ విషయం వైరల్ అయింది. దీనిపై స్పందించిన గ్రామీణ ఎస్సై సంతోష్ 11 మంది పైన 144 సెక్షన్ ఉల్లంఘన కింద క్రిమినల్ కేసు నమోదు చేశామని తెలిపారు.
ఇదీ చూడండి కన్నా... కాణిపాకానికి ఎప్పుడొస్తున్నావ్?: విజయసాయి
