విశాఖ విషాదం... ప్రపంచంలోనే రెండోది

విశాఖ జిల్లా ఆర్ ఆర్ వెంకటాపురం గ్రామస్థుల జీవితాల్లో పెను విషాదం నింపిన స్టైరీన్ గ్యాస్ లీకేజీపై నీరి నిపుణులు లోతుగా పరిశోధనలు చేస్తున్నారు. ఈ విష వాయువు లీకేజీ ప్రపంచంలోనే రెండో విషాదంగా గుర్తించారు.

విశాఖ స్టైరీన్ విషాదం ప్రపంచంలోనే రెండోది. ఈ విష వాయు ఆవిరి లీకేజీ తొలిసారి 2014లో అమెరికాలో నమోదయ్యిందని జాతీయ పర్యావరణ ఇంజినీరింగ్ రీసెర్చి ఇన్​స్టిట్యూట్ (నీరి) నిపుణులు వెల్లడించారు. స్టైరీన్​ని గూడ్స్ రైటు ట్యాంకర్లలో తరలిస్తున్నప్పుడు లీకైనట్లు వివరించారు. సరిగ్గా ఆ ప్రదేశంలో జనావాసాలు లేకపోవటంతో ప్రాణ నష్టం జరగలేదు. అప్పట్లోనూ ఘటనకు 0.5 కిలోమీటరు నుంచి ఒక కిలోమీటరు దూరంలో ఉన్నవారిని ఇతర ప్రాంతాలకు హుటాహుటిన తరలించారు. నాటి ఘటనలో పర్యావరణపరమైన ఇబ్బందులు ఏర్పాడ్డాయని నీరి నిపుణులు తెలిపారు.

ఇదీ చదవండి: తగ్గని విషవాయువు ప్రభావం