విశాఖ బస్టాండ్ ఆవరణలో కరోనాపై అవగాహన కల్పిస్తున్న ఆర్టీసీ అధికారులు
కరోనా వైరస్ కట్టడికి విశాఖ ప్రాంతీయ ఆర్టీసీ చర్యలు తీసుకుంటోంది. విశాఖ ద్వారక బస్సు కాంప్లెక్స్ ప్రధాన కేంద్రంగా చేసుకుని ప్రయాణికులకు అవగాహన కల్పిస్తూ ఫ్లెక్సీలు ఏర్పాటు చేశారు. అలాగే డ్రైవర్, కండక్టర్లకు మాస్కులు అందిస్తున్నారు. బస్సు కాంప్లెక్స్ ప్రాంగణంలో సోడియం ద్రావణాన్ని చల్లుతున్నారు. విశాఖ మహా నగర పాలక సంస్థ బస్సు కాంప్లెక్స్లో రెండు వైద్య శిబిరాలను సైతం ఏర్పాటు చేసింది. కరోనా భయంతో ఏసీ బస్సుల్లో ప్రయాణికులు శాతం తగ్గిందని ఆర్టీసీ అధికారులు అంటున్నారు. కరోనా నివారణకు ప్రయాణికులు తీసుకోవాల్సిన జాగ్రత్తలను కరపత్రాలలో ప్రచురించి అందిస్తున్నారు విశాఖ ఆర్టీసీ అధికారులు.
