విశాఖ జిల్లా పెదబయలు మండలం జామిగూడ పంచాయతీ చింతలవీధికి చెందిన మొండిపల్లి మోహన్ రావు, అజయ్ కుమార్లు ఈనెల 2న పశువులకు మేత కోసం కొండ ప్రాంతానికి వెళ్లారు. అక్కడ మావోయిస్టులు అమర్చిన ల్యాండ్మైన్ పేలి వారిద్దరూ మరణించారు. ఈ ఘటనపై స్థానికులు ఆగ్రహం వ్యక్తం చేశారు. పోలీసులకు సమాచారమిచ్చినా మృతదేహాలను తరలించే వీలు లేకపోవటంతో గ్రామంలోనే ఖననం చేశారు.
దీనిపై శుక్రవారం పాడేరు ఐటీడీఏ వద్ద మృతుల కుటుంబీకులు ఆందోళనకు దిగారు. మావోయిస్టులకు వ్యతిరేకంగా నినాదాలు చేశారు. అమాయక గిరిజనులను చంపడానికేనా మీరున్నది అంటూ ఆగ్రహం వ్యక్తం చేశారు. మృతులు కుటుంబీకులు ఐటీడీఏ ప్రాజెక్ట్ అధికారి డాక్టర్ వెంకటేశ్వర్ను కలిశారు. ఆయన తక్షణ సహాయం కింద ఒక్కో కుటుంబానికి లక్ష రూపాయలు ఆర్థిక సాయం అందజేశారు.
ఇవీ చదవండి...
