ఏటీఎం కేందానికి నిప్పు పెట్టిన దుండగులు

ఓ వైపు లాక్​డౌన్​ కొనసాగుతుండగా మరోవైపు దుండగులు రెచ్చిపోతున్నారు. ఏటీఎంలో డబ్బులు లేనందున కోపమా.. లేక కావాలని చేశారో తెలియదు కాని అరకు లోయలోని ఏటీఎం కేంద్రానికి గుర్తు తెలియని వ్యక్తులు నిప్పుపెట్టారు.

ప్రస్తుతం లాక్​డౌన్​ అమలులో ఉన్నందున విశాఖ జిల్లా అరకు లోయలో నిర్మానుష్యంగా ఉన్న ప్రాంతంలో ఏటీఎం యంత్రానికి దుండగులు నిప్పుపెట్టారు. ప్రవేశ ద్వారాన్ని ధ్వంసం చేశారు. నగదు నిల్వలు లేకపోవటంతో కోపంతో ఈ విధంగా చేశారా లేక ఆకతాయిలు ఈ ఘటనకు పాల్పడ్డారా అనే విషయం తెలియాల్సి ఉంది. పోలీసులు కేసు నమోదు చేసి దర్యాప్తు చేస్తున్నారు. ఏటీఎం కేంద్రానికి నిప్పు పెట్టడం సంచలనంగా మారింది.

ఇది చదవండి సభలు, సమావేశాలకు ఆ నిబంధన వర్తించదా?