విశాఖ జిల్లా మాకవరపాలెం సమీపంలోని పీపీ అగ్రహారం వద్ద ఘోరరోడ్డు ప్రమాదం జరిగింది. ఈ ప్రమాదంలో పదవ తరగతి చదువుతున్న ముగ్గురు విద్యార్థులు మృతి చెందారు. మాకవరపాలేనికి చెందిన ఆర్ హేమంత్ అనే విద్యార్థి ఇంట్లో శుభకార్యం కోసం.. తన స్నేహితులైన అనీష్ , హర్షిత్తో కలిసి హేమంత్ ద్విచక్రవాహనంపై శనివారం అర్ధరాత్రి గ్రామానికి పయనమయ్యారు. పీపీ అగ్రహారం సమీపంలో ఎదురుగా వస్తున్న వాహనాన్ని తప్పించబోయి బైకు అదుపుతప్పి చెట్టును ఢీకొంది. ఈ ఘటనలో హేమంత్ అక్కడికక్కడే మృతిచెందాడు. అనీష్, హర్షిత్ తీవ్ర గాయాలతో ఆసుపత్రికి తరలిస్తుండగా మార్గమధ్యలో మరణించారు. మాకవరపాలెం పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాలను నర్సీపట్నం ప్రాంతీయ ఆస్పత్రికి తరలించారు.
ఇదీ చూడండి: వాహనం అదుపుతప్పి ఒకరు.. దైవ దర్శనానికి వెళ్లి వస్తూ మరొకరు..
