'సంక్రాంతిలోగా అర్హులకు ఇళ్లు అందించాలి'

తెదేపా హయాంలో పేదలకు నిర్మించిన టిడ్కో ఇళ్లను వెంటనే అందించాలని డిమాండ్ చేస్తూ విశాఖ జిల్లా అనకాపల్లి మండలం కొప్పాకలో లబ్ధిదారులతో కలసి తెదేపా నాయకులు నిరసన కార్యక్రమాన్ని చేపట్టారు. ఈ సందర్భంగా వైకాపా ప్రభుత్వంపై విమర్శలు చేశారు.

'నా ఇల్లు-నా సొంతం' కార్యక్రమాన్ని అనకాపల్లి నియోజకవర్గంలో ఎమ్మెల్సీ బుద్దా నాగజగదీశ్వర్ రావు, మాజీ ఎమ్మెల్యే పీలా గోవింద సత్యనారాయణ నిర్వహించారు. లబ్ధిదారులతో కలసి టిడ్కో ఇళ్ల వద్ద నిరసన కార్యక్రమాన్ని చేపట్టారు. చంద్రబాబు నాయుడు హయాంలో అనకాపల్లి నియోజకవర్గంలో మూడు వేల టిడ్కో ఇళ్లు పూర్తయ్యాయని నేతలు తెలిపారు. వీటిని లబ్ధిదారులకు అందించకుండా జగన్మోహన్ రెడ్డి నిర్లక్ష్యం చూపడం తగదని హితవు పలికారు. సంక్రాంతిలోగా ఇళ్లను అందించాలని డిమాండ్ చేశారు.

ఇదీ చదవండి: నా గెలుపు మహిళాలోకం సాధించిన విజయం: కమల