భారీ వర్షాలకు కుప్పకూలిన పాఠశాల భవనం

విశాఖలో ఓ పాఠశాల విద్యార్థులకు... ప్రమాదం తప్పింది. రెండ్రోజులుగా కురుస్తున్న భారీ వర్షాలకు... శిథిలావస్థలో ఉన్న పాఠశాల భవనం కూలింది. ఆ సమయంలో పిల్లలు ఎవరూ లేని కారణంగా... పెను ప్రమాదం తప్పింది.

విశాఖ ఏజెన్సీ పాడేరు మండలం కోట్లగరువు పాఠశాల విద్యార్థులకు పెనుప్రమాదం తప్పింది. శిథిలావస్థలో ఉన్న ఓ పాఠశాల భవనం కుప్పకూలింది. ఆ సమయంలో పిల్లలు ఎవరూ అక్కడ లేని కారణంగా... అంతా ఊపిరిపీల్చుకున్నారు. విద్యార్థులు రోజూ అక్కడే ఆడుకుంటూ ఉంటారంటున్న తల్లిదండ్రులు... ప్రస్తుతం జరుగుతున్న పాఠశాల అదనపు భవనంలోనూ సమస్యలున్నాయని.. చిన్నపాటి వర్షానికే కురుస్తోందని చెబుతున్నారు. వర్షం నీటితో తరగతిగది తడిసి ముద్దయిందని, ఈ భవనం కూడా ఎప్పుడు కూలుతుందోనంటూ విద్యార్థులు, తల్లిదండ్రలు... ఆందోళన చెందుతున్నారు. ఇప్పటికైనా పూర్తిస్థాయి భవనాన్ని అందుబాటులోకి తేవాలని తల్లిదండ్రులు కోరుతున్నారు. లేదంటే పిల్లల్ని బడికి పంపేందుకు ఆలోచించాల్సి వస్తుందని చెప్పారు.