విశాఖలోని తుమ్మపాల చక్కెర కర్మాగారంలోని కార్మికుల సమస్యలను సీఎం.. ప్రత్యేక శ్రద్ధతో పరిష్కరించారని ఎమ్మెల్యే గుడివాడ అమర్నాథ్ అన్నారు. ఫ్యాక్టరీలోని రెగ్యులర్, ఎన్ఎంఆర్, కాంట్రాక్టు కార్మికుల 27 నెలల జీతాలను చెల్లించారని తెలిపారు. ఇందుకు సంబంధించి రూ. 3,90,55,163 లను చెక్కు రూపంలో కార్మికులకు అందించారన్నారు. గత ప్రభుత్వ హయాం నుంచి పెండింగ్లో బకాయిలు చెల్లించే చర్యలు తీసుకున్నారని చెప్పారు. ఇటీవల జరిగిన అసెంబ్లీ సమావేశంలో.. ముఖ్యమంత్రి దృష్టికి తీసుకెళ్లగా సమస్యను పరిష్కరించినట్లు గుడివాడ పేర్కొన్నారు. జీతాలు పొందినందుకు కార్మిక సంఘం నాయకులు.. సీఎం, ఎమ్మెల్యేకి కృతజ్ఞతలు తెలిపారు.
ఇదీ చదవండి: రాష్ట్రానికి ఆక్సిజన్ పంపిస్తున్న సంస్థలకు కృతజ్ఞతలు: సీఎం
