శరన్నవరాత్రులు.. నర్సీపట్నం నుంచి ప్రత్యేక బస్సులు

దసరా నేపథ్యంలో భవానీ దీక్షాధారులకు, ఇతర ప్రయాణికులకు విజయవాడ దుర్గమ్మ ఆలయంతో పాటుగా ఇతర పుణ్యక్షేత్రాలను దర్శించుకునేందుకు ఆర్టీసీ ప్రత్యేక సర్వీసులు నర్సీపట్నం నుంచి నడపనుంది. ఈ సందర్భంగా కరపత్రాలను ప్రయాణికులకు పంపిణీ చేసింది. ప్రయాణికులు ఈ సర్వీసులను సద్వినియోగం చేసుకోవాలని డిపో మేనేజర్​ కోరారు.

దసరా నేపథ్యంలో నర్సీపట్నం ఆర్టీసీ డీపో నుంచి విజయవాడ దుర్గమ్మ ఆలయానికి వెళ్లే భక్తుల కోసం ప్రత్యేక సర్వీసులను ఆర్టీసీ ఏర్పాటు చేసింది. ఈ మేరకు నర్సీపట్నం డిపో నుంచి అన్నవరం, భద్రాచలం, ద్వారకా తిరుమల తదితర పుణ్యక్షేత్రాల మీదుగా ఈ సర్వీసులను తిప్పేందుకు సిబ్బంది విస్తృతంగా ప్రచారం చేస్తున్నారు. ఈ సందర్భంగా ఆర్టీసీ కాంప్లెక్స్​ దగ్గర ఉన్న కనకదుర్గ ఆలయం వద్ద కరపత్రాలను ప్రయాణికులకు పంపిణీ చేశారు.

నర్సీపట్నం నుంచి విజయవాడ వరకు వెళ్లే పల్లె వెలుగు బస్సుకు రూ.600, అల్ట్రా పల్లె వెలుగు బస్సు రూ. 700, ఎక్సైజ్​ సర్వీస్​కు రూ. 840, అల్ట్రా డీలక్స్​ బస్సు రూ. 1040 రూపాయల చొప్పున టికెట్లను ప్రకటించారు. దసరా పండుగ నేపథ్యంలో ఈ సర్వీసులను భవానీ భక్తులతో పాటు పుణ్యక్షేత్రాలను దర్శించుకునే ప్రయాణికులు వినియోగించుకోవాలని డిపో మేనేజర్​ సూర్య పవన్​ కుమార్​ పేర్కొన్నారు.

ఇదీ చదవండి: