ఆకట్టుకున్న డాగ్ స్క్వాడ్ ప్రదర్శన

గణతంత్ర దినోత్సవం సందర్భంగా విశాఖలోని వాల్తేరు డివిజన్​లో ఏర్పాటు చేసిన డాగ్ స్క్వాడ్ ప్రదర్శనలు అబ్బురపరిచాయి. శిక్షకుల సూచనలు పాటిస్తూ... శునకాలు చేసిన విన్యాసాలు ఆకట్టుకున్నాయి.

71వ గణతంత్ర దినోత్సవం సందర్భంగా వాల్తేర్ డివిజన్ డాగ్ స్క్వాడ్ విన్యాసాలు ఆశ్చర్యపరిచాయి. శిక్షకుడు ఆదేశాలను అనుసరిస్తూ చేసిన ఫీట్లు అబ్బురపరిచాయి. సూట్​కేసుల్లో పెట్టిన పేలుడు పదార్థాలు, మాదకద్రవ్యాలను గుర్తించటం వంటి ప్రదర్శన విశేషంగా ఆకట్టుకున్నాయి. శునకాలకు చిన్నప్పటి నుంచే ప్రత్యేక శిక్షణ ఇస్తున్నట్లు ఆర్పీఎఫ్ డాగ్ స్క్వాడ్ ఎస్సై రాజు వివరించారు. దొంగలను పట్టుకోవటం, నేరాలు నియంత్రించటంలో ఈ శునకాలకు పలు అవార్డులు వచ్చినట్లు తెలిపారు.

ఇదీ చదవండి: విశాఖలో ఉత్సాహంగా... గణతంత్ర వేడుకలు