విశాఖలో ఆదివారం జరిగిన రోడ్డు ప్రమాదంలో ఇద్దరు మృతి చెందారు. లారీ చేసిన బీభత్సానికి ద్విచక్ర వాహనాలపై వెళ్తున్న విజయనగరం జిల్లా బలిజపేట మండలానికి చెందిన పైలా రాము(29), పశ్చిమగోదావరి జిల్లా ఉండికి చెందిన చింతలపూడి రామకృష్ణరాజు(30) మృతి చెందారు. ఈ ప్రమాదంలో ఆటో డ్రైవర్ కు కాళ్లు విరిగిపోగా..ఆటోలో ప్రయాణీస్తున్న వారికి బలంగా గాయాలయ్యాయి.
ప్రమాద సమాచారం అందుకున్న ద్వారకా జోన్ ఏసీపీ వీఎస్ఆర్ మూర్తి, ఏడీసీపీ వేణుగోపాల్నాయుడు సంఘటన స్థలానికి చేరుకుని మృతదేహలను నిమిత్తం కేజీహెచ్కు తరలించారు. సుమారు 8 మందిని కేజీహెచ్లో చికిత్స అందించగా, కొంతమందిని ప్రైవేట్ ఆస్పత్రికి తరలించినట్లు సమాచారం. ఆరిలోవ సీఐ ఇమ్మాన్యుయేల్రాజు ఆధ్వర్యంలో ఎస్సై శ్రీనివాసరావు దర్యాప్తు చేస్తున్నారు. లారీ తెలంగాణ రాష్ట్రంలోని యాదాద్రి జిల్లాకు చెందిందిగా గుర్తించారు. లారీ డ్రైవర్ను పోలీసులు అదుపులో తీసుకున్నారు.
ఇదీ చదవండి
