కొవిడ్ కారణంగా ప్రైవేట్ ఉపాధ్యాయులు తీవ్ర ఆర్ధిక ఇబ్బందులు ఎదుర్కొంటున్నారు. గత 7 నెలలుగా స్కూల్స్ మూసి వేయటంతో, జీతాలు లేక అవస్థలు పడుతున్నారు. తిరిగి ప్రైవేట్ పాఠశాలలు తెరిచే సూచనలు కనిపించక పోవటంతో ఆందోళన చెందుతున్నారు. కొంతమంది దాతలు వీరికి కిరాణా వస్తువులు అందించి సాయం చేస్తున్నారు. ఈ టీచర్స్ తమ సమస్యలను పరిష్కరించుకోవటం కోసం పీఎల్టీయూ ప్రైవేట్ టీచర్స్ లెక్చలర్స్ యూనియన్ ఏర్పాటు చేశారు.
విశాఖ అనకాపల్లిలో నిర్వహించిన కార్యక్రమంలో జిల్లాలో ఉన్న ప్రైవేట్ పాఠశాలల టీచింగ్, నాన్ - టీచింగ్ స్టాఫ్ కు... 1991_95 వాసవి కాలేజ్ ఆఫ్ ఇంజినీరింగ్ హైదరాబాద్ పూర్వ విద్యార్థుల సహకారం, మరికొంత మంది ప్రభుత్వ పాఠశాల ఉపాధ్యాయుల సాయంతో కిరాణా సరుకులు పంపిణీ కార్యక్రమం చేపట్టారు. దాతల పరంగా సాయం అందుతున్నా.. ప్రభుత్వం తమను పట్టించుకోవడం లేదని ప్రైవేటు ఉపాధ్యాయులు వాపోతున్నారు.
కరోనాతో అందరికంటే తామే తీవ్రంగా నష్టపోయామని ఇలాంటి సమయంలో... ఇటు యాజమాన్యాలు కానీ , అటు ప్రభుత్వం గానీ తమను ఆదుకోవడం లేదని ఆవేదన చెందుతున్నారు. ఇప్పటికైనా తమ సమస్యను పరిష్కరించేలా ప్రభుత్వం దృష్టి సారించాలని ప్రైవేటు టీచర్స్ కోరుతున్నారు.
ఇదీ చదవండి:
