విశాఖ జిల్లా పరవాడ మండలం సింహాద్రి ఎన్టీపీసీలో తేలియాడే సౌర విద్యుత్ ప్లాంట్ను ఎన్టీపీసీ ప్రాంతీయ ఎగ్జిక్యూటివ్ డైరెక్టర్ సంజయ్ మదన్.. ఉన్నతాధికారులతో కలిసి ప్రారంభించారు. సంస్థకు చెందిన 75 ఎకరాల రిజర్వాయర్పై.. రూ. 110 కోట్ల రూపాయల వ్యయంతో ఈ విద్యుత్ ప్లాంట్ పనులను చేపట్టారు.
ఇప్పటికే 15 మెగావాట్ల ప్లాంట్ పనులు పూర్తి చేసి గ్రిడ్కి అనుసంధానం చేశారు. ఇవాళ మిగిలిన 10 మెగావాట్ల పనులు పూర్తి చేశారు. మొత్తం 25 మెగావాట్ల సామర్థ్యంతో ఈ ప్లాంట్ సిద్ధమైంది. మొత్తం పనులు పూర్తి కావడం వల్ల వాణిజ్య డిక్లరేషన్ పూర్తి చేశారు. ఎన్టీపీసీ ఎగ్జిక్యూటివ్ డైరెక్టర్ మోహిత్ భార్గవ, సింహాద్రి జీజీఎం దివాకర్ కౌశిక్ ఇతర అధికారులు పాల్గొన్నారు.
ఇదీ చదవండి:
HAL MARK: హాల్ మార్క్ నిబంధనకు నిరసనగా.. 23న స్వర్ణకారుల సమ్మె
