లంబసింగి @ 6 డిగ్రీలు.. మరో వారం ఇదే తీరు!

గత రెండు రోజులుగా విశాఖలోని పాడేరు ఏజెన్సీలో కనిష్ఠ ఉష్ణోగ్రతలు నమోదవుతున్నాయి. లంబసింగిలో ఉష్ణోగ్రత 6 డిగ్రీలకు పడిపోయింది. స్థానికులు బయటకు వచ్చేందుకు ఇబ్బందులు ఎదుర్కొంటున్నారు. మరో వారం పాటు ఇదే పరిస్థితి కొనసాగుతుందని వాతావరణ శాఖ అంచనా వేసింది.

విశాఖ జిల్లా పాడేరు ఏజెన్సీలో గత 2 రోజులుగా కనిష్ఠ ఉష్ణోగ్రతలు నమోదవుతున్నాయి. లంబసింగిలో 6, మినుములూరులో 7, చింతపల్లిలో 8, పాడేరులో 8 డిగ్రీలు నమోదయ్యాయి. నరాలు కొరికే చలితో స్థానికులు బయటకు రాలేకపోతున్నారు.

చలి మంటలు వేసుకుంటే గాని ఉపశమనం లభించడం లేదు. ఈ పరిస్థితితో విద్యార్థులు, ఉద్యోగస్థులు, కూలి పనివారు ఇబ్బందులను ఎదుర్కొంటున్నారు. మరో వారం రోజుల పాటు కనిష్ఠ ఉష్ణోగ్రతలు కొనసాగనున్నాయని వాతావరణ శాఖ అంచనా వేసింది.

ఇదీ చదవండి: