హఠాత్తుగా కమ్ముకున్న పొగ.. విశాఖ వాసుల ఆందోళన

విశాఖ పారిశ్రామిక ప్రాంతం మల్కాపురం, జయేంద్ర కాలనీ పరిసరాల్లో నల్లటి పొగ వ్యాపించటంతో స్థానికులు తీవ్ర ఆందోళన చెందారు.

విశాఖలోని పారిశ్రామిక ప్రాంతం మల్కాపురం, జయేంద్ర కాలనీలో నల్లటి పొగ వ్యాపించింది. ఎక్కడి నుంచి వస్తుందో తెలియక స్థానికులు భయాందోళన చెందారు. ఒక్కసారిగా ఉష్ణోగ్రత, వేడి పెరిగి నల్లని పొగ వ్యాప్తి చెందటంతో ఉక్కిరిబిక్కిరి ఆయ్యారు. విశాఖ స్టీల్ ప్లాంట్ లోని విద్యుత్ కి సంబందించి అంతరాయం వలన దట్టమైన పొగ వ్యాపించి ఉంటుందని స్ధానిక అధికారులు చెబుతున్నారు. విశాఖ స్టీల్ ప్లాంట్ లోని ఓ విభాగంలో ఎగ్జాస్ట్ ఫ్యాన్​ కొంతసేపు పనిచేయని కారణంగా పొగ గొట్టం ద్వారా పైకి వెళ్లాల్సిన వాయువు బయటికి వచ్చినట్లు తెలుస్తోంది. ప్రజలు ఎలాంటి అపోహలకు గురికావద్దని పోలీసులు సూచించారు.

ఇది కూడా చదవండి.