విశాఖ సింహాచలంలోని శ్రీవరాహ లక్ష్మీనరసింహస్వామివారి ఆలయంలో చందనం అరగదీత కార్యక్రమం శనివారం శాస్త్రోక్తంగా ప్రారంభమైంది. ఏకాదశిని పురస్కరించుకుని స్వామివారి పాదాల చెంత గంధపు చెక్కను ఉంచి ప్రత్యేక పూజలు చేశారు. 5 రోజులపాటు జరిగే ఈ కార్యక్రమానికి.. 125 కేజీల చందనాన్ని సిద్దం చేసినట్లు ఆలయ సిబ్బంది తెలిపారు. ఈ నెల 26వ తేదిన జరిగే ఉత్సవం అనంతరం ఆ చందనాన్ని స్వామివారికి సమర్పించనున్నారు. ఆంక్షల కారణంగా.. కేవలం 15 మందితో అంతరంగికంగా ఈ కార్యక్రమాన్ని నిర్వహించనున్నట్టు అధికారులు తెలిపారు. భక్తులకు దర్శనాలు ఉండవని స్పష్టం చేశారు.
ఇదీ చదవండి:
