భారీ చోరీ.. బంగారం, నగదు మాయం

అనకాపల్లి మండలం కొప్పాకలో ఓ ఇంట్లో భారీ చోరీ జరిగింది. సుమారు 67 తులాల బంగారం, 11 లక్షల 80వేల నగదు దోచుకెళ్లారు.

విశాఖ జిల్లా అనకాపల్లి మండలం కొప్పాకలో ఇంట్లో భారీ చోరీ జరిగింది.స్టీల్ ప్లాంట్​లో ఫోర్ మెన్ గా పనిచేస్తున్న సీకొలు అప్పారావు, భార్య మేరి గ్రేస్ ఇంటికి తాళం వేసి విశాఖపట్నం వెళ్లారు. ఇంట్లో ఎవరూ లేని సమయంలో తాళాలు పగులగొట్టి లోనికి ప్రవేశించిన దుండగులు బీరువాలోని 67 తులాల బంగారు వస్తువులు, 11లక్షల 80 వేల నగదు ఎత్తుకెళ్లినట్టు బాధితులు తెలిపారు. ఘటనాస్థలికి చేరుకున్న పోలీసులు వేలిముద్రలు సేకరించారు. వివరాల ఆధారంగా 40 తులాల బంగారం మాత్రమే చోరీకి గురైనట్టు తెలిపారు. కేసు దర్యాప్తు చేస్తున్నట్టు వివరించారు.

ఇది కూడా చదవండి