మనీలా, ఫిలిప్పైన్స్​ పర్యటనకు కిల్టన్, సహ్యాద్రి నౌకలు

భారత నౌకాదళానికి చెందిన కిల్టన్, సహ్యాద్రి నౌకలు నేటి నుంచి ఈ నెల 26 వరకూ మనీలా, ఫిలిప్పైన్స్ దేశాల్లో పర్యటించనున్నాయి. భారత నౌకాదళం, ఆ రెండు దేశాల నావికాదళాలతో కలిసి సంయుక్త విన్యాసాలు చేయనున్నాయి. అనంతరం భారత నేవీ సిబ్బంది ఇరు దేశాల నేవీ అధికారులతో సమావేశమవుతారు.

భారత నౌకాదళానికి చెందిన ఐఎన్​ఎస్ కిల్టన్, సహ్యాద్రి నౌకలు... విదేశీ సహాకారంలో భాగంగా మనీలా, ఫిలిప్పైన్స్ దేశాలలో పర్యటించనున్నాయి. నేటి నుంచి 26వ తేదీ వరకు ఈ నౌకలు ఆ దేశాల్లో పర్యటిస్తాయి. దక్షిణాసియా, పశ్చిమ పసిఫిక్ దేశాలతో నౌకాదళ సంబంధాలు పెంపొందించడంలో భాగంగా ఈ పర్యటనలు సాగనున్నాయి. ఈ రెండు నౌకలు దేశీయంగా రూపొందించిన యాంటి సబ్​మెరైన్​ సాంకేతిక పరిజ్ఞానంతో పనిచేస్తాయి. శత్రు దేశాల రాడార్లకు అందకుండా పురోగమించే సాంకేతికత వీటిల్లో ఉంది. మనీలా, ఫిలిప్పైన్స్ నేవీలతో భారత నౌకాదళానికి చెందిన అధికారులు సమావేశమవుతారు. వారి నౌకలను సందర్శిస్తారు. ఆ రెండు దేశాల నేవీలతో కలసి భారత నౌకాదళ సిబ్బంది సంయుక్త విన్యాసాలు చేయనున్నారు.

ఇదీ చదవండి :