GITAM Admission Test: గీతం డీమ్డ్ యూనివర్సిటీకి చెందిన విశాఖ, హైదరాబాద్, బెంగళూరు క్యాంపస్లో జీఏటీ-2023 అడ్మిషన్లకుగాను ఈనెల 31 నుంచి ఏప్రిల్‌ 3 వరకు ప్రవేశ పరీక్ష నిర్వహించనున్నట్లు యూనివర్సిటీ వైస్‌ఛాన్సలర్‌ డి.ఎస్‌.రావు తెలిపారు. బేగంపేటలోని ఓ హోటల్‌లో నిర్వహించిన విలేకరుల సమావేశంలో డి.ఎస్‌.రావు వివరాలను తెలిపారు. హైదరాబాద్, విశాఖపట్నం, బెంగళూరు ప్రాంగణాలలోని అండర్‌ గ్రాడ్యుయేట్‌, పోస్టుగ్రాడ్యుయేట్‌ కోర్సుల్లో ప్రవేశానికి 48 కేంద్రాలలో కంప్యూటర్ ఆధారిత పరీక్ష (సీబీటీ) నిర్వహించనున్నట్లు డి.ఎస్‌.రావు వెల్లడించారు. విశ్వవిద్యాలయం జీఏటీ, జేఈఈ మెయిన్‌, ఏపీ, టీఎస్‌ సెట్స్లలో అగ్రర్యాంకులు సాధించిన విద్యార్థులతోపాటు అర్హులైనవారికి మెరిట్ స్కాలర్‌షిప్‌లు అందజేయన్నుట్లు డి.ఎస్‌.రావు చెప్పారు.
'గీతం విశ్వవిద్యాలయంలోని ఇంజనీరింగ్, ఫార్మసీ, ఆర్కిటెక్చర్, మేనేజ్ మెంట్, ఫిజయోథెరఫీ కోర్సులలో వేటిలో అయినా చేరాలనుకునే వారు ఈ జాతీయ స్థాయి ప్రవేశ పరీక్షలో అర్హత సాధించాలి. గీతం విశ్వవిద్యాలయం మొత్తం 153 కోర్సులను అందిస్తుంది. ఈ ప్రవేశ పరిక్షలో ప్రతిభ కనబరిచే వారికి మెరిట్ ఆధారంగా ప్రవేశాలు స్కాలర్షిప్ లభిస్తాయి. వంద మార్కులకు రెండు గంటల పాటు పరీక్ష ఉంటుంది. ఆన్లైన్లో కంప్యూటర్ బెస్డ్ టెస్ట్కి హాజరు కావాల్సి ఉంటుంది.'- గీతం యూనివర్సిటీ వైస్‌ఛాన్సలర్‌ డి.ఎస్‌.రావు
3,200 మంది విద్యార్థులు ఉద్యోగాలు: గీతం డీమ్డ్ విశ్వవిద్యాలయం నుంచి ఈ ఏడాది రికార్డు స్థాయిలో 3,200 మంది విద్యార్థులు ఉద్యోగాలు సాధించారని.. వైస్-ఛాన్సలర్ ప్రొఫెసర్ దయానంద ప్రకటించారు. దాదాపు 250 కి పైగా ప్రముఖ జాతీయ, అంతర్జాతీయ కంపెనీలు గీతంలో నిర్వహించిన ప్రాంగణ నియామకాల ద్వారా ఈ ఘనతను సాధించినట్లు దయానంద పేర్కొన్నారు. విశ్వవిద్యాలయం ఎచివర్స్ డే విజయోత్సవ సభలో మాట్లాడిన ఆయన ప్రమఖ సంస్థలకు తెలుగు రాష్ట్రాలలో అత్యధిక సంఖ్యలో విద్యార్ధులను ఉద్యోగస్తులుగా ఏటా అందిస్తున్న ఘనత గీతం విశ్వవిద్యాలయానికి దక్కుతుందని పేర్కొన్నారు.
ఈ ఏడాది నాక్ ఏ++ గ్రేడ్ సాధించడం ద్వారా జాతీయ స్థాయిలో గీతం ప్రతిష్ట మరింతగా పెరిగిందన్నారు. విద్యార్థులలో పరిశోధన కాంక్షను ప్రోత్సహించడానికి ప్రయోగశాలలను ఆధునికీకరిస్తున్నామని దయానంద సిద్ధవట్టం తెలిపారు. గీతం విశాఖపట్నం, హైదరాబాద్, బెంగళూరు ప్రాంగణాలను అంతర్జాతీయ స్థాయిలో తీర్చిదిద్దుతున్నామని, విద్యార్థులను దేశం గర్వించే మానవ వనరులుగా తీర్చిదిద్దటం తమ లక్ష్యమని ఆయన తెలిపారు. విద్యార్థులు తమలోని ఆలోచనలను నూతన ఆవిష్కరణలుగా మార్చి స్టార్టప్ల ఏర్పాటుతో ఉద్యోగాలు కల్పించే వారిగా మారాలని దయానంద సిద్ధవట్టం పిలుపునిచ్చారు. ఇందుకోసం గీతంలో వెంచర్ డవలప్ మెంట్ సెంటర్ (విడిసి). ద్వారా ప్రోత్సహిస్తున్నట్లు ఆయన పేర్కొన్నారు.
ఇవీ చదవండి:
