గంజాయి పట్టివేత

విశాఖ మన్యం నుంచి ఉత్తర ప్రదేశ్ కు అక్రమంగా లారీలో తరలిస్తున్న 690 కిలోల గంజాయిని అనకాపల్లి టాస్క్ ఫోర్స్ బృందం స్వాధీనం చేసుకుంది. పట్టుబడిన సరుకు విలువ 60 లక్షలు ఉంటుందని అంచనా.

ఒడిశాలోని చిత్రకొండ ప్రాంతంలో రవీంద్ర అనే వ్యక్తి నుంచి యూపీ లోని లక్నో కి చెందిన తివారీ అనే స్మగ్లర్ గంజాయిని కొనుగోలు చేశాడు. 5 కిలోల చొప్పున పొట్లాలుగా తయారు చేయించి లారీలో రహస్య అరలో అమర్చారు. పోలీసులకు అందిన సమాచారం ప్రకారం పెద్దపీట సమీపంలో మాటు వేసి పట్టుకున్నారు. లారీని నర్సీపట్నం తీసుకొచ్చి నిందితులను ప్రశ్నిస్తున్నారు.