మాజీ మంత్రి అవంతిపై మహిళ ఆగ్రహం
EX MINISTER AVANTHI: ఉండటానికి ఇల్లు లేదని.. ఇంటి స్థలం కూడా మంజూరు కాలేదని.. తాను ఏ చెట్టుకింద ఉండాలంటూ ఓ మహిళ అడిగిన ప్రశ్నకు.. మాజీ మంత్రి అవంతి ఖంగుతిన్నారు. విశాఖ జిల్లా ఆనందపురం మండలం వేములవలసలో గడప గడపకు మన ప్రభుత్వం కార్యక్రమంలో భాగంగా అవంతి శ్రీనివాసరావు పర్యటించారు. ఇళ్ల సమస్యపై స్థానికులు ప్రశ్నించారు. తనకు ఇంటి స్థలం కూడా రాలేదని మహిళ నిలదీయగా..డబ్బులిస్తున్నాం కదా అని అవంతి సమాధానమిచ్చారు. నిలవనీడలేకుండా డబ్బులిస్తే ఏం చేసుకోవాలని ప్రశ్నించింది. ఇళ్లపై కోర్టు కేసులున్నాయని..ఇది కాకుండా మరేమైనా ఉంటే చెప్పండని సూచించారు. వేములవలస ప్రజలకు ఇవ్వడానికి కోర్టులో పరిధిలో ఉన్న భూమి ఒక్కటే ఉందా అని మరో వ్యక్తి నిలదీశారు. చేసేదేమీలేక మాజీమంత్రి అవంతి అక్కడి నుంచి వెళ్లిపోయారు.
ఇవీ చదవండి:
