విశాఖ జిల్లా నర్సీపట్నంలోని ప్రభుత్వ డిగ్రీ కళాశాలలో ఓట్ల లెక్కింపు అధికారులకు ప్రత్యేక శిక్షణ కార్యక్రమాన్ని నిర్వహించారు. ముందుగా పోస్టల్ బ్యాలెట్ ఆ తరువాత బ్యాలెట్ పత్రాలు లెక్కించాలని జాయింట్ కలెక్టర్ గోవిందరావు , నర్సీపట్నం సబ్ కలెక్టర్ నారపరెడ్డి మౌర్య అధికారులకు సూచించారు. ప్రతి బ్యాలెట్ పత్రాన్ని అభ్యర్థుల తరఫున ఉన్న ఏజెంట్లకు చూపించి అనంతరం లెక్కింపు ప్రక్రియ కొనసాగించాలని తెలిపారు. లెక్కింపులో ఎలాంటి పొరపాట్లు రాకుండా చూసుకోవాలని పేర్కొన్నారు.
బ్యాలెట్ బాక్సులు తెరిచిన వెంటనే బ్యాలెట్ పత్రాలు 25 చొప్పున కట్టలు కట్టి వేయవలసి ఉంటుందని చెప్పారు. నర్సీపట్నం మున్సిపాలిటీకి సంబంధించి 28వ వార్డులకుగాను మూడు చోట్ల లెక్కింపు కేంద్రాలను ప్రారంభించనున్నామని సబ్ కలెక్టర్ పేర్కొన్నారు. ఇందుకోసం ప్రతి టేబుల్కి ఒక సూపర్వైజర్, ముగ్గురు కౌంటింగ్ అసిస్టెంట్లు ఉంటారని తెలిపారు. మొత్తం ఏడుగురు ఎలక్షన్ అధికారులు, 28 మంది సూపర్వైజర్లు, 84 మంది కౌంటింగ్ అసిస్టెంట్లు ఉంటారన్నారు.
వీరి అందరికీ ప్రత్యేక శిక్షణ ఇచ్చామని గోవిందరావు వివరించారు. ప్రతి ఒక్కరు పారదర్శకంగా లెక్కింపు ప్రక్రియను చేపట్టాలని పిలుపునిచ్చారు. కౌంటింగ్ హాల్కి వచ్చే ఏజెంట్లు బాల్ పెన్, వైట్ పేపర్స్ తమ వెంట తీసుకురావచ్చని అన్నారు. మిగతా వాటర్ బాటిల్స్, సెల్ఫోన్లు, స్మార్ట్వాచ్ ఇతర ఎలక్ట్రానిక్ పరికరాలు కౌంటింగ్ కేంద్రంలోకి అనుమతించరని సబ్ కలెక్టర్ మౌర్య స్పష్టం చేశారు.
ఇదీ చూడండి:
