విశాఖ జిల్లా నర్సీపట్నం నియోజకవర్గంలో కరోనా కేసులు ఉధృతం అవుతున్నాయి. ఒక నియోజకవర్గంలోనే సుమారు 175 కరోనా కేసులు నమోదైనట్టు అధికారులు వెల్లడి చేశారు. నర్సీపట్నం పట్టణానికి సంబంధించి ఇప్పటికే 35 కేసులు నమోదు కాగా నలుగురు మృతి చెందిన విషయం తెలిసిందే. మిగతా వాటికి సంబంధించి గొలుగొండ, కొయ్యూరు,రావికమతం తదితర మండలాల్లో కొత్తగా 11 కేసులు నమోదైనట్టు తెలుస్తోంది. దీంతో ఒక్క రోజు సుమారు 35 కేసులకు పైగా అధికారులు గుర్తించారు. నర్సీపట్నం పట్టణంలో సుమారు పదిహేను రోజులుగా పాక్షిక లాక్డౌన్ కొనసాగుతుంది. దీనికితోడు కరోనా వైరస్ వ్యాప్తి చెందిన ప్రాంతాలను కట్టడి చేసి అధికారులు రక్షణ చర్యలు చేపడుతున్నారు.
ఇవీ చదవండి
