విశాఖ జీవీఎంసీ ప్రహ్లాదపురం ప్రాంతంలో ఓ బాలిక తన తల్లిదండ్రులతో కలిసి నివసిస్తోంది. అదే ప్రాంతంలో నివాసముండే గౌతమ్ రాజు అనే యువకుడితో ఆ బాలికకు పరిచయం ఏర్పడింది. బాలిక మైనారిటీ తీరిన తర్వాత పెళ్లి చేసుకుంటానని నమ్మించిన గౌతమ్ రాజు.. బాలికకు శారీరకంగా దగ్గరవడంతో ఆమె గర్భం దాల్చింది. గమనించిన కుటుంబసభ్యులు బాలికను నిలదీయడంతో జరిగిన విషయాన్ని వివరించింది. ఈ ఘటనతో ఆగ్రహం వ్యక్తం చేసిన బాలిక కుటుంబీకులు బాధితురాలిని పెళ్లి చేసుకోవాలని గౌతమ్ రాజును కోరగా.. అతడు నిరాకరించాడు. ఫలితంగా గౌతమ్ రాజుపై పోలీసులకు ఫిర్యాదు చేశారు. పోలీసులు పోక్సో చట్టం కింద కేసు నమోదు చేసి దర్యాప్తు చేస్తున్నారు.
ఇదీచదవండి.
