విశాఖ జిల్లా రోలుగుంటలో ఎలాంటి ముందస్తు హెచ్చరికలు లేకుండా చేసిన బ్లాస్టింగ్ వల్ల ఇద్దరు వ్యక్తులు తీవ్రంగా గాయపడ్డారు. వారిని చికిత్స నిమిత్తం నర్సీపట్నం ప్రాంతీయ ఆసుపత్రికి తరలించారు. నాతవరం మండలం శరభవరం గ్రామానికి చెందిన శివ, కోటవురట్ల మండలం పాములవాక గ్రామానికి చెందిన రాజు అనే వ్యక్తులు రోలుగుంటలోని ఓ వేడుకకు బయల్దేరారు.
నర్సీపట్నం నుంచి ద్విచక్రవాహనంపై బయలుదేరిన వీరు.. రోలుగుంట సమీపంలోకి రాగానే బ్లాస్టింగ్ జరిగింది. నూకరాజు అనే వ్యక్తి క్వారీలో ఎలాంటి ముందస్తు హెచ్చరికలు లేకుండా బ్లాస్టింగ్ చేశారు. పేలుడు ధాటికి బయటికి వచ్చిన రాళ్లు.. శివ, రాజుకు తగిలి గాయాలయ్యాయి. ఈ విషయంపై ఉన్నతాధికారులకు నివేదిక పంపిస్తామని రోలుగుంట తాహసీల్దార్ కృష్ణమూర్తి తెలిపారు.
ఇదీ చదవండి:
నిబంధనలకు విరుద్ధంగా డ్రెడ్జర్తో ఇసుక తవ్వకాలు.. 11 మందిపై కేసు
