TOP NEWS: ఏపీ ప్రధాన వార్తలు @ 7PM

..

• అధికారుల తీరుపై ఎమ్మెల్యే కోటంరెడ్డి శ్రీధర్ రెడ్డి ఆగ్రహం.. ఎందుకంటే..!
  వైసీపీ ప్రభుత్వం మూడున్నరేళ్ల పాలన.. ప్రజలకు ఎంతవరకు లబ్ధి చేకూర్చిందోనని తెలుసుకునేందుకు.. నెల్లూరు జిల్లా ఎమ్మేల్యేలు, మంత్రులు, యంత్రాంగం జిల్లా స్థాయి సమీక్షా సమావేశం నిర్వహించారు.. అయితే ఈ సమావేశంలో ఊహించని విధంగా.. ఎమ్మెల్యేల నుంచి తీవ్ర అసహనం ఎదురైంది.. ముఖ్యంగా ఎమ్మెల్యే కోటంరెడ్డి శ్రీధర్ రెడ్డి తీవ్ర ఆగ్రహం వ్యక్తం చేశారు.. అదేంటో చూద్దామా మరీ..!

• ప్రభుత్వానికి చిత్తశుద్ది లేక.. రైతుకు భరోసా కరవై
  ఎన్టీఆర్ జిల్లాలో పలు ప్రాంతాల్లో వరి ధాన్యం నూర్చి పదిహేను రోజులు గడుస్తున్నా.. ప్రభుత్వం ధాన్యం కొనుగోలు చేయకపోవడంతో రైతులు తీవ్రంగా ఇబ్బందులు పడుతున్నారు. రైతు భరోసా కేంద్రాల ద్వారా ధాన్యం కొనుగోలు చేస్తామని, మద్దతు ధర కల్పిస్తామని చెప్పిన ప్రభుత్వం... తమను దగా చేసిందని రైతులు ఆవేదన చెందుతున్నారు. రైతు భరోసా కేంద్రాల ప్రతినిధులు ధాన్యం కాటావేస్తే తేమ శాతం తక్కువ చూపిస్తుంటే.. ప్రైవేటు మిల్లర్లు కాటా వేసినప్పుడు మాత్రం తేమ శాతం ఎక్కువ చూపిస్తుందని వాపోతున్నారు. సమయానికి ధాన్యం కోనుగోలు చేయడం చేతకాని ప్రభుత్వం పాత పద్ధతిలోనే ధాన్యం కొనుగోలు చేయాలని రైతులు డిమాండ్ చేస్తున్నారు. రైతులకు గోనె సంచులు అందజేయడంలో ప్రభుత్వం విఫలమైందని విమర్శిస్తున్నారు. వారాల తరబడి ధాన్యం కొనుగోలు చేయకపోవడంతో కల్లాల్లో ధాన్యం నిలువ చేసుకొని అధనంగా కూలీలను ఏర్పాటు చేసుకోవలసిన పరిస్థితి ఏర్పడిందంటూ ఆవేదన చెందుతున్న రైతులతో ఈటీవీ భారత్ ప్రతినిధి కనకారావు ముఖాముఖి.

• తిరుపతి జిల్లాలో యథేచ్చగా మట్టి మాఫియా.. టిప్పర్లను అడ్డుకున్న గ్రామస్థులు
  మట్టి మాఫియా ఆగడాలు శృతిమించుతున్నాయని.. నెన్నూరు గ్రామస్థులు టిప్పర్లను అడ్డుకున్నారు. రోడ్డుకు అడ్డంగా రాళ్లు పెట్టి నిరసన తెలిపారు. రెండేళ్లుగా టిప్పర్ల వల్ల నానా ఇబ్బందులు పడుతున్నా.. పట్టించుకునే నాథుడు లేడంటూ గ్రామస్థులు ఆవేదన వ్యక్తం చేశారు. గ్రామస్థులు, పోలీసుల మధ్య మాటా మాటా పెరిగి స్వల్ప వాగ్వాదం జరిగింది.

• 'కొత్త వేరియంట్ ప్రభావం తక్కువే.. ముందు జాగ్రత్తే ముఖ్యం'
  కరోనా మహమ్మారి మరోమారు కలవరపెడుతోంది. చైనా సహా పలు దేశాల్లో పెరుగుతున్న కొత్త కేసులు, ఒమిక్రాన్ వేరియంట్ బీఎఫ్​ 7 వేగంగా వ్యాపించటంతో పాటు.. మరణాల సంఖ్యా ఎక్కువగా ఉందన్న ప్రచారం సైతం ఊపందుకుంది. ఇక ఇప్పటికే దేశంలో కొత్త వేరియంట్ కేసులు నమోదైన నేపథ్యంలో కేంద్ర, రాష్ట్ర ప్రభుత్వాలు అప్రమత్తమయ్యాయి. నిజంగా కొవిడ్ కొత్త వేరియంట్ భారతీయులపై అంతగా ప్రభావం చూపే అవకాశం ఉందా? వైరస్ కేసులు పెరిగితే ఎలాంటి జాగ్రత్తలు తీసుకోవాలి..? అన్న అంశాలపై ప్రముఖ ఇన్​ఫెక్షన్ వ్యాధుల నిపుణురాలు డాక్టర్ సునీతా నర్రెడ్డితో ఈటీవీ భారత్​ ప్రత్యేక ముఖాముఖి..

• మత్స్యకారులను వరించిన అదృష్టం.. వలలో పడిన 340 కిలోల చేప
  బంగాల్​ దక్షిణ 24 పరగణాల జిల్లాలోని హుగ్లీ నదిలో వేటకు వెళ్లిన మత్స్యకారులను అదృష్టం వరించింది. మాహిష్మరి ప్రాంతానికి చెందిన మత్స్యకారుల వలలో 340 కిలోల భారీ చేప పడింది. దీంతో వారి సంతోషానికి అవధులు లేకుండా పోయాయి. ఈ చేప ధర దాదాపు రూ.50 వేలు ఉంటుందని తెలిపారు. చేపను ఒడ్డుకు తరలిస్తున్న వీడియో ప్రస్తుతం సామాజిక మాధ్యమాల్లో వైరల్​గా మారింది.

• భారత్ జోడో యాత్రలో కమల్​ హాసన్​.. దిల్లీలో రాహుల్​తో కలిసి నడక
  కాంగ్రెస్‌ అగ్రనేత రాహుల్‌ గాంధీ చేపట్టిన 'భారత్‌ జోడో యాత్ర'లో ప్రముఖ సినీ నటుడు కమల్‌ హాసన్‌ పాల్గొననున్నారు. దిల్లీలో శనివారం రాహుల్‌తో కలిసి కమల్​ నడవబోతున్నట్లు కాంగ్రెస్ పార్టీ వర్గాలు తెలిపాయి.

• 'ట్రంప్ గోడ' దూకబోయి భారతీయుడు మృతి.. ఇద్దరికి గాయాలు
  అమెరికా- మెక్సికో సరిహద్దు గోడ వద్ద విషాదకర ఘటన జరిగింది. 'ట్రంప్ గోడ'ను దూకబోయి అమెరికాలో ప్రవేశించేందుకు ప్రయత్నించిన ఓ భారతీయ కుటుంబంలో ఒకరు మరణించారు. ఇద్దరు గాయపడ్డారు.

• చైనాలో కొవిడ్ డేంజర్​ బెల్స్​.. రోగులతో ICUలు ఫుల్ బెడ్లు లేక నేలపైనే
  చైనాలో కరోనా వ్యాప్తి అత్యంత ప్రమాదకరంగా ఉంది. వైరస్‌ బాధితులతో ఐసీయూలన్నీ నిండిపోయాయి. బెడ్లు సరిపోక నేలపైనే చికిత్స అందిస్తున్నారు. ఇదే పరిస్థితి కొనసాగితే వచ్చే ఏడాది చివరికల్లా చైనాలో పది నుంచి 20 లక్షల మరణాలు సంభవిస్తాయని నిపుణులు హెచ్చరిస్తున్నారు.

• IPL Mini auction: ఐపీఎల్‌ చరిత్రలో రికార్డ్‌ ధరకు సామ్ కరణ్​
  ఇంగ్లాండ్ ఆల్‌రౌండర్‌ సామ్‌ కరన్‌ చరిత్ర సృష్టించాడు. ఐపీఎల్‌ మినీ వేలంలో అతడు రికార్డు ధరకు అమ్ముడయ్యాడు. ఇవాళ జరిగిన వేలంలో కరన్‌ కోసం ముంబయి, పంజాబ్‌ తీవ్రంగా పోటీపడ్డాయి. చివరకు

• వెండి తెర ఐశ్వర్యం
  తెలుగు తెరపై ఓ చిన్న మెరుపులా మెరిసిన కోలీవుడ్ బ్యూటీ ఐశ్వర్య మీనన్..