డిసెంబరు 13న ఏయూ పూర్వ విద్యార్థుల సమ్మేళనం

డిసెంబరు 13న విశాఖలో జరగబోయే  ఆంధ్ర విశ్వ కళా పరిషత్ పూర్వ విద్యార్థుల సమ్మేళనానికి సంబంధించి ప్రచార పత్రికను ఉపకులపతి ప్రసాద్ రెడ్డి విడుదల చేశారు. ఈ సమావేశానికి ముఖ్య అతిథిగా ముఖ్యమంత్రి జగన్​ హాజరవుతారని యాజమాన్యం తెలిపింది.

ఆంధ్ర విశ్వ కళా పరిషత్ పూర్వ విద్యార్థుల సమ్మేళనం డిసెంబరు 13న విశాఖలో జరగనున్నట్లు విశ్వ విద్యాలయ అధికారులు తెలిపారు. విశాఖ బీచ్ రోడ్​లోని ఏయూ కన్వెన్షన్ హాల్​లో జరగబోయే ఈ వేడుకకు ముఖ్య అతిథిగా సీఎం జగన్, విశిష్ట అతిథిగా టెక్ మహీంద్రా సీఈవో హాజరవుతారని విద్యాలయ యాజమాన్యం తెలిపింది. ఈ సందర్భంగా ఆంధ్ర విశ్వ కళా పరిషత్ పూర్వ విద్యార్థుల సమ్మేళనం-2019 ప్రచార పత్రికను ఉపకులపతి ఆచార్య ప్రసాద్ రెడ్డి విడుదల చేశారు. పూర్వ విద్యార్థులంతా www.andhrauniversityalumni.com ఈ వెబ్​సైట్​​ ద్వారా తమ పేరు నమోదు చేసుకోవాలని వర్శిటీ యాజమాన్యం కోరింది.

ఇదీ చదవండి