పాయకరావుపేట మండలంలో యువకునికి కరోనా పాజిటివ్​

కాకినాడ నుంచి పాయకరావుపేట మండలానికి వచ్చిన ఓ యువకునికి కరోనా సోకినట్లు వైద్యాధికారులు నిర్ధరించారు. విషయం తెలుసుకున్న గ్రామ అధికారులు అప్రమత్తమయ్యారు.

విశాఖ జిల్లా పాయకరావుపేట మండలం పెద రామభద్రపురం గ్రామంలో ఓ యువకునికి కరోనా పాజిటివ్​ వచ్చినట్లు వైద్యులు తెలిపారు. కాకినాడలో ఎలక్ట్రీషియన్​గా పనిచేస్తున్న ఓ యువకుడు రెండు రోజుల క్రితం స్వగ్రామానికి వచ్చాడు. అతనికి కాకినాడ ప్రభుత్వ ఆసుపత్రిలో పరీక్షలు నిర్వహించగా కొవిడ్​ సోకినట్లు తెలిసింది. దీంతో గ్రామంలోని వైద్య, పంచాయతీ రాజ్​, రెవెన్యూ శాఖ అధికారులు అప్రమత్తమయ్యారు. గ్రామంలోని పారిశుద్ధ్య పనులను ముమ్మరం చేశారు.

ఇదీ చదవండి : తంబళ్లపల్లె వైద్య విధాన పరిషత్ ఆసుపత్రిలో కరోనా పరీక్షలు