Pawan Kalyan on Olive Ridley Tortoise Dead : కాకినాడ బీచ్ రోడ్, ఏపీఐఐసీ, వాకలపూడి ప్రాంతాల్లో అరుదైన ఆలివ్ రిడ్లీ తాబేళ్లు అత్యధిక సంఖ్యలో మరణిస్తున్న విషయం ఉప ముఖ్యమంత్రి పవన్ కల్యాణ్ దృష్టికి వచ్చింది.
ఆలివ్ రిడ్లీ తాబేళ్ల మరణానికి కారణాలు విచారించి, దీనికి కారణం అవుతున్న వారిపై చర్యలు తీసుకోవాలని, వన్య ప్రాణుల పరిరక్షణకు తీసుకోవలసిన చర్యలపై సమగ్ర అధ్యయనం చేయాలని ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ ,హెడ్ ఆఫ్ ఫారెస్ట్ ఫోర్స్ చిరంజీవి చౌధురిని ఆదేశించారు.
కాకినాడ బీచ్ రోడ్, APIIC వాకలపూడి ప్రాంతాల్లో అరుదైన ఆలివ్ రిడ్లీ తాబేళ్ళు అత్యధిక సంఖ్యలో మరణిస్తున్న విషయం ఉప ముఖ్యమంత్రి @PawanKalyan దృష్టికి వచ్చింది. ఆలివ్ రిడ్లీ తాబేళ్ళ మరణానికి కారణాలు విచారించి, దీనికి కారణం అవుతున్న వారిపై చర్యలు చేపట్టాలని, వన్యప్రాణుల పరిరక్షణకు… pic.twitter.com/LyzyTisLYE
— Deputy CMO, Andhra Pradesh (@APDeputyCMO) December 29, 2024
కాకినాడ తీర ప్రాంతంలో దుర్గంధం : కాకినాడ వాకలపూడి ఇండస్ట్రియల్‌ ఏరియాలో ఉన్న యూనివర్సల్ బయోఫ్యూయల్స్ ప్రైవేట్ లిమిటెడ్ సంస్థ నుంచి కాలుష్యకారక దుర్గంధం వెలువడడంతో చుట్టుపక్కల గ్రామాల ప్రజలు తీవ్ర ఇబ్బందులు పడుతున్నారు. గత కొన్ని రోజులుగా సంస్థ నుంచి ఘాటైన, దుర్గంధపూరిత వాయువులు విడుదల విషయంపై ఉప ముఖ్యమంత్రి పవన్ కళ్యాణ్ స్పందించారు. శనివారం ఉదయం పొల్యూషన్ కంట్రోల్ బోర్డు (పీసీబీ) ఛైర్మన్ శ్రీ కృష్ణయ్య, పీసీబీ కాకినాడ రీజనల్ ఆఫీసర్ శ్రీ శంకరరావుతో ఫోన్లో మాట్లాడారు. యూనివర్సల్ బయోఫ్యూయల్స్ సంస్థ కాలుష్య నియంత్రణ నిబంధనలు పాటిస్తుందో? లేదో? పరిశీలించి తక్షణమే నివేదిక ఇవ్వాలని ఆదేశించారు. ప్రజలకు వాయు కాలుష్య సమస్యలు లేకుండా చూడాలని స్పష్టం చేశారు.
కాకినాడ తీర ప్రాంతంలో దుర్గంధం వెదజల్లుతున్న పరిశ్రమలో తనిఖీలు చేపట్టండి.
— Deputy CMO, Andhra Pradesh (@APDeputyCMO) December 29, 2024
కాకినాడలోని యూనివర్సల్ బయోఫ్యూయల్స్ ప్రై.లి. వ్యవహారంపై పొల్యూషన్ కంట్రోల్ బోర్డు అధికారులకు ఉప ముఖ్యమంత్రి @PawanKalyan ఆదేశాలు.
కాకినాడ వాకలపూడి ఇండస్ట్రియల్‌ ఏరియాలో ఉన్న యూనివర్సల్ బయోఫ్యూయల్స్…
ఇది వైఎస్సార్సీపీ రాజ్యం అనుకుంటున్నారా? - తోలు తీసి కూర్చోపెడతా ఖబడ్దార్‌ : పవన్ కల్యాణ్
పవన్ కల్యాణ్ ఆదేశాల మేరకు పొల్యూషన్ కంట్రోల్ బోర్డు అధికారులు పరిశీలన చేశారు. నిబంధనలకు విరుద్ధంగా ముడి సరకులు వాడుతున్నట్లు ప్రాథమికంగా గుర్తించారు. ఫలితంగా ఘాటైన, దుర్గంధపూరిత వాయువులు వెలువడుతున్నాయని తేలింది. దీనిపై మరింత లోతుగా తనిఖీలు చేస్తున్నట్లు అధికారులు తెలియచేశారు.
అధికారులతో పవన్ కల్యాణ్ వీడియో కాన్ఫరెన్స్ : సోమవారం సాయంత్రం 4 గంటలకు సచివాలయం నుంచి పవన్ కల్యాణ్ వీడియో కాన్ఫరెన్స్ నిర్వహించనున్నారు. ప్రభుత్వ ఉద్యోగులపై భౌతిక దాడుల వ్యవహారంపై పంచాయితీ రాజ్ గ్రామీణాభివృద్ధి అధికారులు, ఉద్యోగులు సిబ్బంది తో వర్చువల్ కాన్ఫరెన్స్ నిర్వహించనున్నారు.రాష్ట్ర, జిల్లా మండల స్థాయిలో వివిధ స్థాయిలో అధికారులు, ఉద్యోగులతో డిప్యూటీ సీఎం మాట్లాడనున్నారు. ఇటీవల ఎంపీడీ పై జరిగిన భౌతిక దాడి నేపథ్యంలో ఉద్యోగులతో ఆయన మాట్లాడతారని అధికారులు తెలిపారు. రాష్ట్ర స్థాయిలో పంచాయితీ రాజ్ గ్రామీణాభివృద్ధి శాఖ డైరెక్టర్, జిల్లా స్థాయిలో జడ్పీ సీఈల నుంచి గ్రామీణ ఉపాధి హామీ పథకం సూపర్వైజర్ల వరకూ వర్చువల్ కాన్ఫరెన్స్ ద్వారా పవన్ కల్యాణ్ మాట్లాడనున్నారు.
గిరిజనుల కష్టాల్లో తోడుంటాం - డోలీ మోతలు పోవాల్సిందే: పవన్ కల్యాణ్
