స్వామిని తాకిన సూర్య కిరణాలు

నిన్న స్వామి వారిని తాకకుండా భక్తులను నిరాశపరిచిన సూర్యకిరణాలు... నేడు భాస్కరుని తాకి కనువిందు చేశాయి.

శ్రీకాకుళం జిల్లా అరసవల్లి సూర్యదేవాలయంలో అద్భుత ద్యశ్యం ఆవిష్కృతమైంది. బంగారు రంగులో లేలేత సూర్య కిరణాలు స్వామివారి మూలవిరాట్టును తాకాయి. ఉత్తరాయనం నుంచి దక్షిణాయనానికి మారే సందర్భంలో ఈ కిరణ స్పర్శ భాస్కరుని తాకుతుంది. స్వామివారి పాదాలను తాకి శిరస్సు వరకు వెళ్ళే ఈ అద్భుత ఘట్టం ఏటా మార్చి 9,10 తేదిల్లో... అలాగే అక్టోబర్ నెల 1, 2 తేదీల్లో భక్తులకు కనువిందు చేస్తుంది. కేవలం 3 నుంచి 4 నిమిషాల పాటు మాత్రమే ఈ దృశ్యం కనిపిస్తుంది. పంచద్వారాలను దాటి సూర్యకిరణాలుగాలిగోపురం మధ్య నుంచి ఆదిత్యుని తాకుతుంటాయి. ఈ అపురూప దృశ్యాన్ని తిలకించేందుకు జిల్లా నుంచే కాకుండా సుదీర్ఘ ప్రాంతాల నుంచి భక్తులు వస్తుంటారు. కానీ నిన్న మేఘాలు అడ్డుపడి కిరణాలు స్వామివారిని తాకలేదు.