'కేసులు పెరుగుతున్నాయ్​.. అప్రమత్తంగా ఉండండి'

శ్రీకాకుళం జిల్లాలో కరోనా కేసులు పెరుగుతున్న దృష్ట్యా ప్రతి ఒక్కరూ అప్రమత్తంగా ఉండాలని కలెక్టర్ నివాస్ సూచించారు. ఎవరికి వారు స్వీయ రక్షణ చర్యలు చేపట్టాలన్నారు. ఇప్పటివరకూ జిల్లాలో 384 కేసులు నమోదయ్యాయి.

శ్రీకాకుళం జిల్లాలో కరోనా వ్యాప్తి నివారణకు అన్ని చర్యలు తీసుకుంటున్నామని కలెక్టర్​ నివాస్​ తెలిపారు. అధికారులకు ప్రజలు పూర్తిగా సహకరించాలని కోరారు. జిల్లాలో 384 కేసులు నమోదు కాగా.. 271 యాక్టివ్​ కేసులు ఉన్నాయని అన్నారు. శ్రీకాకుళం నగరంలో 10 కేసుల వరకు ఉన్నాయని పేర్కొన్నారు.

తెలంగాణ, ముంబయి, గుజరాత్, దిల్లీ తదితర ప్రాంతాల నుంచి రైలు, విమానం తదితర మార్గాల నుంచి జిల్లాకు అనేక మంది వచ్చారన్నారు. బయట నుంచి వచ్చిన వారు దగ్గర బంధువులైనా, ప్రాణ స్నేహితులైనా కలవవద్దని హితవు పలికారు. రానున్న రోజుల్లో కరోనా‌ కేసులు పెరిగే అవకాశం ఉన్నందున.. ప్రజలంతా అప్రమత్తంగా ఉండాలని కలెక్టర్‌ సూచించారు.

ఇదీ చదవండి..