వేడుకల వేళ..కరణం బలరాంను వైకాపా శ్రేణుల అడ్డగింత!
స్వాతంత్య్ర దినోత్సవ వేడుకల్లో పాల్గొనేందుకు కరణం బలరామకృష్ణమూర్తి చీరాలలో తహశీల్దార్ కార్యాలయానికి వచ్చారు. వైకాపా కార్యకర్తలు పెద్ద ఎత్తున అక్కడకు చేరుకుని ఎమ్మెల్యేను అడ్డుకున్నారు. వేడుకల్లో పాల్గొనవద్దంటూ నినాదాలు చేశారు. కొద్దిసేపటికి మాజీ ఎమ్మెల్యే ఆమంచి కృష్ణమోహన్ సోదరుడు ఆమంచి స్వాములు పెద్ద ఎత్తున అనుచరులతో కార్యాలయానికి చేరుకున్నారు. ఓ వైపు తెదేపా శ్రేణులు అధిక సంఖ్యలో వచ్చారు. ఇరు పార్టీల శ్రేణుల మధ్య కాస్త వివాదం నడించింది. తెదేపా కార్యకర్తలను పోలీసులు అక్కడి నుంచి పంపించి వేశారు. ఎమ్మెల్యే బలరాం తహశీల్దార్ కార్యాలయం నుంచి చీరాల ఆర్ అండ్ బీ అతిథి గృహానికి వెళ్లడంతో వైకాపా కార్యకర్తలూ అక్కడకు చేరుకున్నారు.
