ప్రకాశం చీరాల మున్సిపాలిటీలో రెబల్స్ హవా కొనసాగింది. అధికార వైకాపాకు వారు చెమటలు పట్టించారు. 33 స్థానాల్లో ఏకంగా 11 చోట్ల రెబల్స్ విజయం సాధించారు. మాజీ ఎమ్మెల్యే ఆమంచి కృష్ణమోహన్ రెబల్స్కు నేతృత్వం వహించారు. మొత్తం 30 స్థానాల్లో ఆమంచి వర్గీయులు పోటీ చేయగా.. 11మందిని విజయం వరించింది. వైకాపా 18 స్థానాల్లో గెలుపొంది మున్సిపాలిటీని దక్కించుకుంది. తెదేపా ఓ చోట విజయ సాధించింది.
ఆమంచిని కలిసిన రెబల్ అభ్యర్థులు..
చీరాల మున్సిపాలిటీలో గెలిచిన రెబల్ అభ్యర్థులు వైకాపా నియోజకవర్గ ఇన్ఛార్జ్ ఆమంచి కృష్ణమోహన్ను పందిళ్లపల్లిలో మర్యాదపూర్వకంగా కలిశారు. చీరాలలో వర్గ పోరు కారణంగా వైకాపకు రెబల్స్ నుంచే గట్టిపోటీ ఎదురైంది.
ఇదీ చదవండి: ప్రకాశంలో ఫ్యాన్ గాలి.. ఒంగోలు కార్పొరేషన్పై వైకాపా జెండా
